باسم العدل !

موضوع: باسم العدل ! الجمعة أكتوبر 21, 2011 4:06 am

( هذه الأبيات كتبتها فى 26-1-2002 )
آخر كلام هاكتبه
هو الكلام ده
ولو إنى عارفه
إن الكلام ما منه فايدة !
هاحاول أوجز وأختصر
قبل ما صوتى ينحشر
قبل ما قلمى ينكسر
جايز كلامى يتقرى
أو يتحكى أو يترمى !!
هاكتبه على كل حال
باسم العدل بتتكلموا
هو العدل بمية مكيال !!
إن كان ليكوا تزيدوا وتوفوا
وإن كان لينا تجوروا تسفوا !!
إن مات واحد منكم
تقوم قيامه مدويه
ده إرهاب وعدوانية
ومعاداة للسامية !
وإن مات ميه من أطفالنا
يبقوا ولاد هرمه ويستاهلوا
علشان يتربوا !!

يا بتوع الأمم المتحدة
ياللى إتحادكم علينا نكبة
دى حكاية واضحة
ومش مستاهلة أى مناقشة
فى كل حتة إيديكم طايلة
إن محمد ضرب حسين
ضربتم أنتم الاتنين
ولما شارون ضرب الاتنين
ضربتم برضه الاتنين !!
شوفوا إزاى أنتم عادلين !!
معرفش ليه بس منكم زعلانين !!!
وطول ما إحنا بيكم معترفين
وما دين لكم الايدين
طالبين حسنة يا محسنين !!
نستاهل كل اللى جرالنا وبيجرالنا
واللى كمان لسه هيجرالنا !!

كفه الصغير شايل حجارة
بيقاوم بيها دبابة !!!
يصرخ يقول يا بابا
عايز حليب
ومنين يجيب بابا الحليب
محصور فى داره ومش سالم من التهديد
مافيش قصاده
غير يخرج يفجر نفسه
ويموت شهيد
أو يموت هو وأهله من غير حليب

يا حكام العالم العربى
إن كان لسه فيكم عربى!!
بتستعبطوا ولا مش فاهمين ؟!
واللا بحالنا مبسوطين ؟ !
داهية لتكونوا نايمين ؟!
بيجيلكم نوم إزاى قولولى ؟!
طب فهمونى أنتم فين ؟!
ولامتى هتفضلوا خايفين ؟
مش هم بس أنتم كمان مجرمين

يا مصريين اللى بيجرى فى فلسطين
مش بعيد عنا زى ما انتم فاكرين
ده يا دوب بيننا وبينه خطوتين
وجايز نكون احنا التاليين
وهفكركم لو فى يوم تكونوا ناسيين

سامحونى يا إخواتى
ما أملكش غير دعواتى
ويا كتاباتى !!
كان نفسى كلامى يكون إبر
تدخل فى عين كل الغجر
وتصحى ضمير الخاينين
وتدور الدايرة على الظالمين
قولوا إن شاء الله
يارب آميييييييييييييين

( ملحوظة : هناك مسميات مختلفة للتدخل فى شئون بلاد المسلمين والعجيب أننا نتقبلها بمنتهى الرضا بل ونلجأ إليها مثلاً ( الأمم المتحدة (وهى بالطبع متحدة علينا نحن المسلمون ) ، قوات حفظ السلام ( طبعاً سلام اسرائيل وأمريكا ) ، والناتو اللى قتلوا القذافى مؤخراً ، والغريب أن القنوات ظلت تردد مع إذاعة خبر مقتل القذافى أنه لم تؤكد جهة رسمية الخبر إلى أن ظهر البومة أوباما وأعلن الخبر وعقب بأنها رسالة لكل من تسول له نفسه قهر الشعوب !!!!!!!!!
وخلاص يا جماعة طالما ماما أمريكا قالت فلا صوت يعلوا فوق صوت ماما !!!!!!! ربنا يرحمنا )

رائع جدا يا د/وسيمه ومضمون الكلام اكثر من رائع وانا طول عمرى احلم بمواجهه اعلاميه علنيه
بين ممثل لماما امريكا واخر لاسرائيل ابنتها اللقيطه وثالث يمثل العرب المسلمين وكل يقول حجته
امام العالم وكل يضع تعريف للارهاب والمقاومه واذا كانت امريكا تقتوم الارهاب وظلم الشعوب
فبماذا تسمى الاحتلال والاستيطان ام ان العرب وابناء فلسطين ليسوا شعوبا
ولو تحقق هذا الحلم هل سضمن ممثل العرب فى المواجهه الاعلاميه ان يظل على قيد الحياه
او يظل على قيد العقل فكما قالت د/وسيمه القذافى نفسه ثمه تغيير ما حدث لشخصيته
فى اخر عهده فكان مستسلما وكانه شرب شيئا افقده شجاعته وذكائه وعقله
وهو تكرار لما حدث مع صدام حسين بالفعل والذى لم يفطن لاسلوب العصا والجزره
الذى مارسته معه امريكا فقد اوحوا اليه باحتلال الكويت ثم كانت نهايته
بمساعده بعض ابناء العروبه للاسف والذى كان يسخر فعلا من صدام ومن القذافى
والذى اذاق شعبه اضعاف ما تذيقه اسرائيل للفلسطينين فيكفى انتشار الامراض الخبيثه
بين المصريين بسبب موت ضمير القائمين على امور الزراعه والصناعه والتجاره
بجلب مبيدات وادويه مسرطنه فلا يمر اسبوع الا سمعنا عن موت او مرض شاب مصرى
فاللهم اجعل كل مريض مصري بسببهم فى ميزان سيئاتهم يا رب العالمين
ولا اعرف اصحاب مبادره احنا اسفين ياريس هل شربوا هم ايضا من مشروب القذافى
الامريكى الذى يذهب العقل والعاطفه معا

جميل جداااااااااااااااااااااااا يادكتورة وسيمه وكمان لايق ع الاحداث الحاليه والكلام بالفعل اتقرا

شكراً لكما study

، ونتوجه بالدعاء فى يوم الجمعة أن يصلح حال سائر بلاد المسلمين ، فقد جاء اليوم الذى حذرنا منه الرسول صلى الله عليه وسلم فأصبحنا كثيرون كغثاء السيل ولكننا ضعفاء فتداعت علينا الأمم ، فاللهم أغثنا يا مغيث ونجنا من كيدهم :cheers:

موضوع: رد: باسم العدل ! السبت نوفمبر 02, 2013 6:38 pm

» العدل
» مواقف من حياة النبي صلي الله عليه وسلم - الشورى والتعاون - العدل والمساواة
» تصاميم باسم عماد
» قرارادا ي باسم عماد عبد الحليم
» مبروك الف مبروك hamartia (38),hmagdy (35), labboza2003 (55), أسكندروميو(31), بهاء أحمد أبوضيف (30) :fidodido_el_fol (39), habeba_h (38), ايمان علاء (19), ايمى علاء (19), باسم (29), مرهورة (27