اسئله عن فتى النيل للاستاذ محمد؟

اود ان اسأل حضرتك بعض الاسئله عن فتى النيل الاسمر:
1-ماهو فيلم مذبحه الشرفاء؟هل شارك فيه عماد؟ولماذا؟وهل هو مغناش فيه اى اغنيه؟
2-لماذا لجأعماد الى الادمان؟ع الرغم من ان كثير ممن هم اقل منه لم يدمنوا ع سبيل المثال عمرو دياب؟
3-هل تعتقد حضرتك لو ان عماد كان عايش الى الان كان هيصبح مثل عمرو دياب ويسير ف مجال الاغنيه الشبابيه وكده؟
4-كم كان عمر عماد وهو فى فيلمى الاخوة الغرباء&عذاب الحب؟
5-برأيك لماذا كان يحب نجوى فؤاد بالذات؟انا اعرف ان الرجال ميحبوش واحده كبيرة ف السن الا عشان فلوسها ههههههههه؟وخاصه وهو لا يعانى من عقده الام بل هو كان يحب امه وتبرع لها بكليته ولم ينشئ يتيما؟
6-فى بعض المواقع كتبت انه اعتدى عليها بالضرب -اى نجوى فؤاد-ليحصل منها ع المال وتم تحرير واقعه وتم سجن الاثنين فهل تعتقد انها السبب وراء ادمانه؟
7-اغنيه ليل بعد ليل من ملحنها ومن كاتبها وهل هى ملهاش فديو؟اغنيه رائعه الصراحه وخاصه كلماتها وصوته!!
8-اخوه الملحن_معلش بتلخبط دائما ف الاسماء_اللى هو حاجة سليمان لماذا لا يتحدث عنه ولماذا لم يسانده عندما ادمن وماموقفه من وفاته ايامها؟
9-مسلسل الضباب لماذا لايذاع خاصه انهم اذاعوا كتير المال والبنون وفاطمه وذئاب الجبل ومسلسلات كتيرة قديمه؟
10-كنت سمعت مسلسل اذاعى قديم اسمه الضباب هل ده هو بتاع عماد بس ف الراديو الصراحه انا معدتش فاكراه خالص؟

وسؤال اخير لحضرتك هل شاهدت اى من مسرحياته؟وياترى فيها اغانى له المسرحيات دى؟وهل تم تكريمه فى حياته ع اى حاجه ؟وهل عماد كان اهلاوى ولا زملكاوى؟
اخيرا انا بعتذر والله من كثرة اسئلتى المزعجة بس فعلا انا اما بدأت اسمع عماد بدأت اقرأعنه من النت ولقيت اخبار كتير مش حلوة عنه وغلط وكلها مركزة ع جوازه من نجوى وادمانه والكلام ده.لكن هنا بقى انا عرفت عنه حاجات كتير حلوة اوى وكلها تقريبا من حضرتك وتحبب الواحد فيه وخاصه ان فى التاريخ دايما بيقولوا ناخد الحقيقة من المعاصرين للحدث مش من اللى ميعرفوش ايه الحدث اصلا وحضرتك من المعاصرين له.
اشكرك فى كل الاحوال وربنا يخليك لينا كلنا وللمنتدى كله ولأسئلتى المزعجه يااستاذ محمد!!!!!
:oops: :oops: :oops: :oops: :oops: :oops:

يا لولا اسمك الاء لكن انت اثراء للمنتدى بجد ادخل بقى على الاجابات

1- فيلم مذبحه الشرفا ء شارك فيه عماد كضيف شرف فى مشهد واحد وهو موجود فى المنتدى ولم يغنى فيه بل اعتقد انه شارك مجامله لفريق العمل مع الراقصه دينا وربنا ستر ما حبهاش هى كمان

2- اعتقد ان عماد لجا للادمان بسبب عدم تدقيقه فى اختيار اصدقائه خاصه ان عماد دخل عالم الشهره فى سن مبكره ولم يكن لديه الظهير القوى ليعتمد عليه فشقيقه اشعر انه غارق فى الذاتيه والنرجسيه وعبد الحليم تبناه فنيا فى مرحله الطفوله واستغل المنتجون هذا التبنى لتحقيق ارباح بعد وفاه العندليب

3-عمرو دياب لم ينجرف الى الادمان لانه مثل العندليب فى تعامله مع الفن فعمرو كان لا يحلم بمكانته التى وصل اليها الا انه بذكاء شديد استغل اهتمام فئه الشباب بالاغانى الخفيفه وبالمظهر دون المضمون فخلق لنفسه اسطوره يقلدها هؤلاء الشباب فى كل شيء وهو رياضى ويحافظ على نفسه ليبقى على القمه الجماهيريه اطول فتره ممكنه وفن عماد ارقى كثيرا من حياته الشخصيه وتفكيره

فعماد كان يختار اغانيه بموهبه فطريه وكان مبدعا فى احساسه واشعر ان عماد كان يعانى من شيزوفرينيا فهو فنان مبدع وانسان هلهلى كما وصفه احد كتاب الاغانى

وعماد حاول فى اخر ايامه ان يلحق قطار الجماهيريه الشبابيه الواهيه وقدم البومين لهما الصبغه الشبابيه العماديه

ولكن الشباب كان يتعامل مع عمرو كشكل كما قلت اكثر منه فن وجوهر وهذا ملعبه ولا يستطيع عماد مجاراته الا فى ملعب متذوقى الفن واصحاب الحس المرهف وهم قله خاصه فى مصر

4-عمر عماد كان حوالى 22 عام وعماد شكله كان اكبر من سنه وهذا ساعده فى الظهور السريع

5-عماد احب نجوى فؤاد بالتاكيد وهو عماد الانسان وليس الفنان ويقال انها شخصيه طيبه وربما تكون فشلت فى محاوله الايقاع بالعندليب فحاولت مع ربيبه وهذه تكهنات ولا احد يعلم

6-كثيرا ما قرات عن الحوادجث بينهما وكنت الاحظ ان عماد طيب القلب فى طريقه رده على الاعلاميين وبالطبع هى كانت راقصه فى بلد كانت تمنح نفوذا للراقصات !

7-اغنيه ليل بعد ليل من احب اغانى عماد لدى ايضا وهى من البوم مسيك بالخير وهو بالكامل كلمات الابنودى والحان جمال سلامه مثل تجربه طريق الاحباب اروع البومات عماد

8-محمد على سليمان يذكر عماد كثيرا لكنه مغرور فنيا وكان يعتقد انه يمتلك مفاتيح صوت عماد وانغام وقد هاجم عماد لما غنى للشرنوبي وحجاج عبد الرحمن وسامى الحفناوى وغيرهم من ملحنى الشباب وقد تاثر كثيرا بوفاه عماد وبكاه مره بحرقه فى اذاعه الشرق الاوسط وهو ينفى تماما علاقه عماد بالادمان ويؤكد انه كان مريضا بالقلب

9- مسلسل الضباب قدمه الاخ سمير محمود فى المنتدى كمعجزه انترنتيه وهو لم يذع فى التليفزيون الا مره واحده وانغام قالت ان الشرائط غير موجوده ولا اسمع عن ضباب الاذاعه

لم اشاهد اى مسرحيه لعماد رغم ان مسرحيه النهارده اخر جنان قدمها مع ليلى طاهر فى الاسكندريه

لكن لا اعرف سبب عدم حضورى لها وربما يكون عدم تشجيع اصدقائى وكيف اذهب وحيدا وكنت ايامها مقيم فى كفر الدوار

وعماد كان اهلاوى ولما فاز الاهلى بالدورى اثناء تصوير الضباب عمل حفل جاتوه وشاى بالاشتراك مع خالد زكى

اما عن اخبار عماد من النت وكلام النقاد مثلا عنه فلا تشغلى بالك به نحن نحب عماد الفنان اما الانسان فهو الان فى دار الحق ندعو له بالرحمه والمغفره

وانا شخصيا لا اكذب اذنى فى حلاوه صوت عماد ولا احساسي بروعه كلمات اغنيه وشعورى بانه كان صديقى ويغنى احيانا لى واحيانا عنى وبالطبع فتره الصبا وبدايه الشباب لا تنسى وكانت ذكرياتى كلها مع عماد فلو كانت مع عمرو دياب مثلا او محمد فؤاد لتغير الحال

واخيرا ما يهمنا فن عماد اما الحياه الشخصيه فلا يصح ان تشغلنا وعماد وغيره من الفنانين ليسوا قدوه لاحد ولا ينبغى ان يكونوا كذلك حتى لو كانوا بعيدين عن الادمان والمشاكل

شكراااااااااااا جدا يااستاذ محمد انا فعلا بيقولولى قلق هههههههههههههههههههههههه انا والله مش عارفه اقول لحضرتك ايه والله حضرتك اللى اثراء للمنتدى مش انا خالص. حضرتك جاوبت على ربع الاسئله اللى فى دماغى لسه تلات تربع!!! ههههههههههههههههههههههههههههههههههههههه لأ انا بهذر والله .الاجابات جميله جدااااااااااا وانا قريتها بتمعن وفعلا عماد عبد الحليم-الله يرحمه-كان رائع كانسان وكفنان وكان تلقائى فعلا يعنى مش حاسب كل حاجه بالورقه والقلم والفلوس ومع ذلك كل مااسمع له اغنيه تفضل فى ذاكرتى ودى حاجه غريبه يعنى استمعت مؤخرا لاغنيه مش انتى لا عجبتنى جدااااا بس بزعل لانه فعلا مظلوم يعنى نفسى مرة انام واصحى الاقى مصر كلها مشغله اغانيه وبتعرض اعماله وشرايطه تتباع يعنى اما هند رستم ماتت كتبوا ان اخر فيلم لها حياتى عذاب حتى مكتبوش انه بطوله عماد عبد الحليم زعلت جدا بقيت انا اللى بكتب فى الجرايد بالقلم بطوله عماد عبد الحليم والله!!ههههههههه الله يرحمه ويحسن اليه ويخليك لينا يااستاذ محمد بكلامك الرائع دوما
اه ع فكرة انا خلاص بقيت اهلاويه ههههههه مادام حضرتك وعماد خلاص بقى مينفعش افضل زملكاويه :bball:

» اسئله للاستاذ محمد ؟
» للاستاذ محمد@
» سؤال للاستاذ اشرف يوسف
» سؤال للاستاذ محمد ؟
» سؤالين والله للاستاذ محمد؟