قصيدة زى العسل اقراها و قولى رايك

يوم التلات





يوم التلات قبل اللى فات

جه سليم وجه إبراهيم وجه شحاته بن اسماعين

وقعدنا نحكى فى حكايا

حادثة القطر اللعينه

و اللى غرقو فى السفينه

و قد ايه م الشعب مات

واللى ماتو م التقاوى

و اللى ماتو م الكماوى

بالفشل والسرطانات

و اللى جاب سيرة الرشاوى

واللى جاب سيرة البلآوى

و اللى قلب ف الفساد

اللى طال كل العباد

الفساد الاجتماعى

و السياسى و الاقتصادى

و الوظايف بالوساطة

وابنى وابنك ع البلآطه

و مش ضرورى الناس تعيش

و الشباب غرقان لشوشته

يوم فى بانجو ويوم حشيش

و الجواز بقى نصه عرفى

ان كان جواز

أو كان مفيش

وقعدنا نتكلم و نحكى

و الكلام ماينتهيش

وفجأه وف وسط الكلام

شحاته اتسحب وقام

و لقيت عليوه من بعيد

جاى يقوللى

ده كان معاكم

قلت مين

قال : شحاته بن اسماعين

قلت : ايوه كان معنا

ده واد أمين

قال : أمين

قول واد لعين

الواد ده عين

الواد ده مخبر فى المباحث

و الكلمة عنده بكلمتين

قلت يخفى يروح يقول

ما يهمنيش

البلد فيها قانون

والا قانونها ما هيحمنيش

قاللى القانون

قانون ده ايه

ما تفوق بقى

ده الطفل عندنا يتولد

مكتوب على جبينه الشقى

وتلاقى جنبه ف لفته

حاطين معاه المشنقه

والذل ياخده ف رضعته

أو يسقوهوله بمعلقه

و يعلموه يرضع سكات

وبيحرموه م الوقوقه

ويا ويله لو فكر يشوف

هايشوف عنيه متخذه

و المخبرين متفرقه

و عنيها صاحيه مبحلقه

يبقى قاعد ف السويس

و عنيه تجيب للغردقه

صدقونى دي الحقيقه عندنا

مش هزار أو تريقه

و لسه بتقوللى القانون

ده الجريمه عندنا

بترتكب باسم القانون

شوف المحاكم عندنا

و شوف السجون

روح وهاتشوف الحقيقه

هتلاقى فيها ناس بريئه

ناس ما تعرفش السريقه

ناس ما تعرفش الخطيئه

و تلاقيها ف كل زنقه

و كل ورطه و كل ضيقه

مادّه إيدها لده وده

و هوه عارف كل ده

و بيروح يقول عن ده وده

قلت اما اشوفه ابن اسماعين

والله سنته هاتبقى طين

لو هوه مين أو أبن مين

وقبل مايخلص كلآمى

وقبل تصفية الحساب

قالوإبنك اعتقل

كان بيفكر ف انقلاب

ظبطوا عنده ف شقته

مصحف وسبحه وكام كتاب

كتاب بيدعو للفضيله

و كتاب بيلعن ف الرزيله

و كتاب بيدعو للحجاب

و سواك و سجادة صلا

عنده و ف قلب الدولاب

قلت يعنى التهمه ثابته

قالو دى اتعملت قضيه

و الكلاب قايمين عليهم

كله بينهش ف الضحيه

اللى قال عنهم ميليشيا

و اللى قال دول بلطجيه

و اللى يطلب يرفدوهم

و اللى يطلب يعدموهم

و اللى بيهول شويه

قلت فيه تغيير هايحصل

واللى حاصل تمثيليه

لاجل يلهو الشعب بيها

و يخلصو م الأزهريه

و ان أم الدنيا مصر

تبقى دوله علمانيه

و هى دى كل الحكايه

هى دى أصل القضيه

هى دى أصل القضيه

تسلم ايدك روعه