سعادة سعادتها !

نقشت حنة وفرشت ورد
شافت الجنة قريبة منها..
برغم البعد
جريت عليها
مدت ايديها
وقفت رجليها
ما قدرت تطولها
عرفت ساعتها
إن سعادتها
مجرد حلم
صحيت منه تعود للهم !

الله الله يا دكتوره وانا خايف يكون الكلام ده عن مصر بعدالثوره رغم انى اعرف تفاؤل حضرتك

ولى ملاحظه قد تكون خاطئه فى البيت التانى كان يمكن الاستغناء عن قريبه منها ويصبح شافت الجنه برغم البعد

لكن اكرر ان اجمل فى اشعارك الفكره العميقه والصياغه السلسه البسيطه

كلام جميل جداااااااااااااا يادكتورة وسيمه والصراحه افتكرت الموضوع ليا هههههههههههههههههههه بمناسبه السعاده يعنى.و اتمنى ان يوفقنى الله ف اولى ايام منصبى الوزارى واكون عند حسن ظن حضراتكم بس الافضل ابقى تعاسه الوزيرة لولا ع رأى استاذ محمد ولو وفقت ف المنصب نخليه سعاده الوزيرة لولا هههههههههههههههههههه ماشى؟
وكلام حضرتك جميل جدااااااااااااااااااااااااااااااااااا وموجز لكنه يحمل معانى عديده يكتبها البعض ف مقالات طويله تسلم ايدك حبيبتى دكتورة وسيمه :cheers: :cheers:

شكراً أستاذ محمد على الإطراء وملحوظة حضرتك تحترم ، ووجهة نظرى المتواضعة أن كلمة ( قريبه منها ) تعطى إيحاء بمدى الوهم ، ولكن لو قلت شافت الجنة برغم البعد ، لأصبحت لديها حدة بصر خارقة ترى الأشياء البعيدة، كما أن كلمة ( قريبة ) تحافظ على ( الهارمونى ) يعنى التناغم الموسيقى ، وذلك لأنها جاءت بعد كلمة ( الجنة ) ، وقبل كلمة ( منها ) ، و طبعاً ملحوظة حضرتك أن الكلام لمصر ملحوظة جميلة جداً ، وممكن تكون لمصر أو للمصريين على لسان واحدة من المصريات .

لا .. يا لولا.. لا ، لو الكلام للولا هيكون غير كده ، لأن لولا هى مصدر السعادة ، وأتمنى لك التوفيق فى المنصب وبعدين مالك خايفة قوى كده ، جمدى قلبك ، ده لو كل وزير خاف وعمل حساب أعباء المنصب مثلك لما قامت الثورات ، أمال إيه فايدة الثورات بقى ؟!
علشان اللى ما يعجبناش نخلعه Very Happy

عندك حق والله يادكتورة وسيمه طيب استعدوا بقى عشان تخلعونى ههههههههههههههههههه

عمرى ما شفت وزيرة ناوية على الخلع قبل ما تقعد على كرسى الوزارة ، طب بالعند بقى مش هنخلعك Very Happy

ههههههههههههههههههههههههههههههههههههههههههههههههههههه عسل والله يادكتورة وسيمه اصلى بخاف من المسئوليه ثانيا حضرتك مشفتيش نهايه الوزراء بقت ازاى "سجن طره" انا شايفه ده قدامى علطووووول وانا احيانا وانا ف طريقى الى الكليه بمر على سجن المنصورة العمومى فبخاف وافتكر الوزارة والمسئوليه

سجن طره يا هناه يا سعده ، هو أى حد بيروح هناك ده لازم يكون عاملة عملة كبيييييييييييييييييييرة أكبر بكتيييير من عملة إيهاب توفيق !
دا أنا حتى بأفكر أروح أصيف هناك ! وبالمرة أألف أشعار Very Happy

هههههههههههههههههههههههههههههههههههههههههههههههههههههه لا بعد الشر يادكتورة وسيمه وهنتواصل ازاى بقى

ثانيا اكيد العمله الكبيرة اللى حضرتك هتعمليها هتكون عمل خير وجميل طبعا يستحق ان تدخلى الهابى لاند ف المنصورة Very Happy

:oops:

» كل عام و أنتم بألف خير و صحة و سعادة