أجدع شعب

يا شعب مصر يا أجدع شعب
بيبان معدنه وقت الجد
مهما اختلفوا فى يوم مع بعض
بيجى الوقت .. اللى يدوب كل البعد
ما أنتم خير جنود الأرض
أصل دى مصر مش أى حد
*************
اطلع يا عصفور للنور
إوعى تخاف من صوت البوم
غنى وإفرح بالحرية
واتنفس الديمقراطية
************
الله عليكم يا مصريين
لما تكونوا متجمعين
شكلكم حلو يخزى العين

85 مليون بطل
رجعتوا الفرحة والأمل
وكفاية كلام هيا للعمل
لأجل مصر المحروسة
تقوى وتعلى فوق القمة
ولا حدش هيفرق بينا
ولا يقدرأبداً يغلبنا
واللى بيحلم يوم يقهرنا
يلعب غيرها ويسأل عنا
هيقولوله ياما قهرنا

شكراً استاذ محمد على تشجيعك المستمر الذى يحرك أى موهبة ، وانا شايفة لولا معانا فى المنتدى دلوقتى بتسخن وهتنزل الملعب ، يا ترى جايبالنا إيه معاها !

اولا اعتذر عن تأخر الرد فالنت بطئ عندى ويفصل كثيرا.

اه والله بحب بلادى جداااااااااا والمشكله يااستاذ محمد انى من صغرى وانا احب المنصورة بس ع اساس انها بلادى لكن مصر ككل لأ ومازلت اعانى من النقطه دى لكن بدأت تدريجيا احب حته حته ف مصر يعنى حبيت الاسكندريه جداااااااااا يليها البحيرة لسه باقى المحافظات بقى هاخد وقت على ماحب مصر كلها ههههههههههههه.

اما عن دكتورة وسيمه ايه ده ايه الروعه دى والله اجمل كلام قريته وسمعته التعبير عن الوقف بطريقه جميله اوووووووى "يا شعب مصر يا أجدع شعب
بيبان معدنه وقت الجد
مهما اختلفوا فى يوم مع بعض
بيجى الوقت .. اللى يدوب كل البعد
ما أنتم خير جنود الأرض
أصل دى مصر مش أى حد" الله ع الابيات دول يادكتورة وسيمه تحفه والله
وباقى القصيده كلها روعه جدااااااااااا تسلم ايدك حبيبتى دكتورة وسيمه واسفه ع التأخير ف الرد وانا بيتهيألى ان كلام حضرتك كله شعر جميل تسلم ايدك :)

اه ههههههههههههههه انا بسخن فعلا وحشانى جداااااااااااا يادكتورة وسيمه ووحشانى اشعارك بجد بشتاق اليها جدا زى اشتياقى لمواضيع استاذ محمد والله مينفعش استغنى عن كلامكو ابدااااااااا اعمل ايه؟

اطلع يا عصفور للنور
إوعى تخاف من صوت البوم
غنى وإفرح بالحرية
واتنفس الديمقراطية

ولا الابيات دى بقى خرافه الله الله ع كيبوردك يادكتورة وسيمه التى تقطر شعرا جميلا المعنى بتاع اطلع ياعصفور للنور رائع جداااااااااااااااا وفعلا حضرتك مصورة الموقف بطريقه لامثيل لها

تسلمى يا لولا يا حبيبتى، شكراً على كلامك الجميل ، ومش عارفة ليه الويندوز والنت بتوعك مصرين يضايقونا ؟ هم من الفلول ولا إيه ؟ ! ، ولا يمكن جواسيس ؟!

ههههههههههههههههههههههههههههه عسل والله يادكتورة وسيمه اه اعمل ايه بقى؟ بس والله الويندوز والنت ميقدروش يعيشوا من غير قصائدك ويبقوا احسن لو بتكتبى قصيده جميله كعاده كلامك حتى والله

وعلى فكرة بالفعل قصائد حضرتك ومواضيع استاذ محمد هما غذائى الحقيقى وحضراتكم سايبنى جعانه بقالى فترة بس الحمد لله النهارده شبعت شويه هههههههههههه

لكن إيه حكاية بحب مصر حتة حتة دى يا لولا ؟ مصر ما تتجزأش لازم تتحب كلها على بعض ، عارفة يا لولا كلامك ده بيفكرنى كنت دايماً اسأل ليه فى المدارس مش بيعملوا رحلات للتلاميذ لزيارة كل المحافظات وعدم التركيز على بعضها دون الآخر ، فكثير منا لا يعرف أكثر من المنطقة التى يعيش فيها ، وكثير منا ينظر للصعيد على إنه شئ مرعب قاسى وهذا غير صحيح بالمرة ، أما بالنسبة لى فقد أتيحت لى الفرصة وزرت عدة محافظات ولكن للأسف ليس من بينها المنصورة ، ووجدت أن مصر كلها جميلة وشعبها طيب أصيل ومتدين بالفطرة مهما حاول البعض تشويه صورته بإظهاره عكس ذلك ، ولا يعرف هذه الحقيقة إلا من تغرب عنها وتعامل مع أجناس اخرى

بالفعل حبيبتى دكتورة وسيمه مصر بكل محافظتها اكثر من رائعه حتى الصعيد كمان لكن فعلا استاذ محمد قال قبل كده حاجه ارى انها صحيحه ان اهل المنصورة متعصبين للمنصوره مش متعصبين اوى يعنى لكن مايشدنا لها انكى تشعرين ان اهلها كلهم يعرفوا بعض حتى لو اغراب فاسلوبنا كلنا واحد فعلا بالاضافه الى مساحتها المتوسطه مش واسعه اوى زى مصر مثلا- القاهرة اقصد- فتشعرين فيها بالدفء والالفه فعلا وانا بقول شعورى طبعا
حتى يدرس لنا دكاترة من مصر احنا كطلبه ف بدايه مجيئهم كنا بنحس انهم اغراب لكن بعد شويه الدكاترة دول اخذوا اسلوب اهل المنصورة وبقينا نحس انهم من المنصورة فعلا
اعتذر عن كثرة حديثى عن مدينتى لكن كلام حضرتك صحيح جدااااااااااااا فانا بدأت استوعب كيف ان مصر كلها جميله واهلها كما حضرتك ذكرتى بالفعل ولكن كنت من الصغر اعتقد ان مصر هى المنصورة فقط لكن فهمت دلوقتى ان المنصورة هى مصر ههههههههههههه قصدى ان المنصورة جزء من مصرنا الجميله العزيزة

واكيد حضرتك اكتر حد يشعر بمصر وده من واقع سفر حضرتك الدائم اللى اكيد بيخلى حضرتك تنظرى لمصر بعيون اخرى وباشتياق اخر :| :|

شعورك نحو المنصورة يا لولا هو شعور كل فرد تجاه مدينته التى ولد وتربى فيها ، فإذا سألت أى أحد سيقول لك على بلدته نفس المعنى كلنا عارفين بعض وبنحس ببعض وبالدفء ومساحتنا صغيرة ، حتى أهل الاسكندرية وهى مدينة كبيرة متعصبون لمدينتهم وكذلك أهل بور سعيد ، لكن يا لولا مفهوم الانتماء أكبر من هذا المعنى ، الانتماء لمصر كلها ، يعنى لاقدر الله لوحدثت كارثة فى الصعيد ، هل ستقولى الحمد لله بعيد عنا ، أم ستشعرى بالألم وتبادرى بتقديم المساعدة ، وكانوا زمان بيستخدموا مصطلح القومية العربية الذى يتسع فيه الانتماء للوطن العربى ككل ، ولكن بسبب العصبيات لم تنجح أى مساعى للوحدة العربية ، وأيضاً المفهوم الأوسع للإنتماء هو الانتماء للعالم الاسلامى ككل ، ولكن الأعداء شتتوا شملنا وقسمونا لدول متفرقة بمبدأ فرق تسد ، ومن هنا سقطت الأندلس وأصبحت أسبانيا . ولا زال السعى مستمر لمزيد من التفرقة والتشتيت والنفخ فى نار العصبية القبلية أو التعصب أو العنصرية .
معذرة يا لولا شكل الموضوع كبر وخد شكل محاضرة تحملينى ، فهذا المعنى يؤرقنى جداً وأود أن يعلمه كل المصريين خاصة الأجيال المسكينة الصغيرة الحائرة فى مفهوم الانتماء . والغربة يا لولا ساعات بتقسى على البلد للأسف يعنى من ولد وتربى بعيداً عن مصر وعاش حياة الرفاهية عندما يعود لمصر يكون ساخط على كل شئ ، وليس هذا فحسب فمنهم من لا يرغب فى العودة ويسعى للحصول على جنسية أخرى ، وهنا الكارثة .

لأ ازاى حضرتك تقولى تحملينى دى محاضرة مفيده فعلا وانا فهمت كل كلمه حضرتك ذكرتيها وهى قضيه هامه فعلا وحضرتك سألتى سؤال مهم فعلا " يعنى لاقدر الله لوحدثت كارثة فى الصعيد ، هل ستقولى الحمد لله بعيد عنا ، أم ستشعرى بالألم وتبادرى بتقديم المساعدة" وانا بالطبع احزن على اى مشكله تحدث ف اى جزء ف مصر بجد وكلام حضرتك صحيح عن الغربه لانهم بيشوفوا طبعا مستوى معيشى واسلوب حياه اعلى بكتير من اللى ف مصر فعشان كده بيبقوا قاسين ع مصر وربما زى ماحضرتك قولتى عايزين جنسيات تانيه وربنا يحمر مصرنا الغاليه بكل محافظاتها وان نراها متقدمه ومذدهرة

يا سلام عليكى يا لولا وعلى عقلك الكبير والله سعيدة جداً بك ، وإن شاء الله مصر بخير طول ما فيها شباب وبنات فى مثل وعيك

اشكرك من اعماق قلبى ياحبيبتى دكتورة وسيمه ودى شهاده اعتز بيها جدااااااااااااا من شاعرة رقيقه ورائعه مثل حضرتك بالطبع