أغانى من اللى هي !

أغانى ...أغانييييييي
ببيع الأغانى
لكل اللى غاوى
أنا بياع الأغانى
باكتب كلامى على القهاوى
فى كل قاعدة أطلع بغنوة
شغلانه سهلة !
زمان كان اسمى شاعر
لكن دى موضه قديمة !
دلوقتى أنا تاجر
شاطر وكلى قيمة !
ياللى بدك تغنى تعالى عندى
عندى كلام متنقى
عندى ولا مية أغنية
أغانى م اللى هيه
ما تقولش هايفة ومش هادفة
دى أغانى ناجحة وآخر حلاوة
وكل يوم تلاقيها مذاعة
فى أحسن قنوات وإذاعة
أغانى ما تتعبش حسك
أغانى تغنيها بوسطك !
أغانى كلامها ملحن نفسه
وكمان تكسب نقدية
دى أغانى جاهزة ومستوفيه
وأتحداك لو حد سمعها
من غير ما يرقص على الواحدة

هههههههههههههههههههههههههه لأ حلو والله وخاصه البيت بتاع "اغانى تغنيها بوسطك" جه ف دماغى ع طول رائد هذا النوع من الاغانى سعد الصغير هههههههههههههههههههه
جميل جداااا يادكتورة وسيمه ههههههههههههههه