باحلم

باحلم بدنيا مفتوحة بجد
من غير فواصل ولا حد
وأى فرد يروح مكان ما يحب
من غير لا قيد ولا شرط
دنيا أمان ولا حدش يفكر
يضايق حد
وكل انسان يتمتع
بكل خير الأرض
دى الأرض واسعة
وهتكفى كل الخلق
كل الناس أحباب واخوان
ما يعرفوش معنى البغض
لو كان بإيدى لـ..لغيتك
يا كل حدود البلدان
وقطعت كل الخرايط بايدى قطع
أنا انسان والانسانية جنسيتى
عبد من عباد الله
عايز أعيش دنيتى

ولا فيش لا حاكم ولا محكوم
الحكم يكون للفرد
يحكم نفسه بنفسه
بقانون الإحسان والعدل
من حقى أعيش
وغيرى من حقه برضه
ما يضرنيش
ولا أفكر فى يوم أضره

الللللللللللللللللللللللللللللللللللللللللللللللللللللللللللللللللللللللللللللله اجمل كلام سمعته ف حياتى ياد/وسيمه وانا كمان بحلم بكل اللى حضرتك قولتيه لكن اعمل ايه مش بعرف اعبر كده يااميرة شعراء منتدى الكروان وعجبنى اوى الست ابيات الاولانيين روووووووووووووووووعه تسلم ايدك ومتحرمناش من الاشعار الرائعه دى ابدااااااا يااستاذتى الحبيبه