كلمات غير متقاطعه !

1-ممثل اردنى موهوب قدم مسلسل رائع رمضان قبل الماضى
2-مطرب اردنى متزوج من فنانه مصريه
3-فن التمثيل الايمائى
4-اسم ممثل مشهوريشابه اسم امبراطور مسجون
5-لاعب كره قديم فى الاسماعيلى على اسم صاحب المنتدى
6-اسم دوله ومدينه فى ذات الوقت
7-مدينه غنى لها عماد عبد الحليم
8-ممثله سوريه من اربع حروف
9-ممثله مصريه احبها شاعر راحل كبير
10-ممثل مصرى قدمه حسام الدين مصطفى وهو متخصص فى التمثيل الايمائى

على فكرة صعبه اوووووووووووووووووووووووووووووووووووى بس ياريت حضرتك متقولش الحل انا هحاول احلهم لوحدى

كده بقت الكلمات اللى ف المصرى اليوم اسهل اما دى عامله زى الكلمات المتقاطعه اللى كانت ف مجله لبنانيه كنت بجيبها زمان ومكنتش بعرف احلها لكن بما انى اهلاويه حديثه يبقى لازم ارفض الهزيمه

انا مش هحل بالترتيب ماشى:
4-احمد عز
9-ممكن زوزو حمدى الحكيم احبها ابراهيم ناجى وممكن نجاه احبها كامل الشناوى بس عشان حضرتك قلت ممثله يبقى خلاص زوزو حمدى الحكيم
5-اكيد طبعا اللاعب الشهير مصطفى فلان انا والله معرفش اساميهم وكمان حضرتك بتقول الاسماعيلى يعنى انا عارفه مثلا الاهلى او الزمالك اوى
8-ممكن رغده
3-ممكن التمثيل الصامت وعلى فكرة بتيجى فعلا ف الكلمات بس بجيبها من سياق الحروف لكن مش فاكراها
1-ممكن تيم الحسن ومسلسل الملك فاروق بس مش فاكرة ف رمضان اللى قبل اللى فات ولا لأ
الباقى لسه هفكر فيهم متقولش الاجابات والنبى يااستاذ

بس دول صح الاول ولا لأ

الصراحه الباقى مش عارفاهم واللى فاتوا انا حلاهم لوحدى والله وزعلانه لانى مش عارفه المدينه اللى غنا لها عماد هو قال مهما خدتنى المدن كلها وغنى انا من البلد دى

المدينة التى غنى لها عماد عبد الحليم الله يرحمه هى سيناء ، و اللاعب الذى على اسم صاحب المنتدى هو عماد سليمان

ربنا يخليكى يااستاذه وسيمه شكرااااااااااااااااااااااااااااااا جداااااااااا يعنى تقريبا هاخد سته من عشرة

استاااااااااااااااااااااااااااااااذ محمد حضرتك حطيت الاسئله كده وسبتنا والله هتقول الحل العدد القادم هههههه

اللاعب صح لكن مش فاكر عماد غنى لسيناء امتى والمدينه التى اقصدها لم يغنى لها عماد بالاسم

هى فزوره لكن دخولك الموضوع شيء رائع ومعرفه حضرتك بعماد سليمان مفاجاه لى وياريت الشرف يكمل وتكونى اهلاويه يا د/وسيمه

لكن لو زملكاويه عادى احسن ناس

خلاص يا لولا حاكتب الحلول بالترتيب

1-اياد نصار

2-اركان فؤاد

3-البانتوميم

4-احمد عز

5-عماد سليمان

6-تونس او الجزائر

7-لندن عاصمه الضباب

8-رغده

9- زوزو حمدى الحكيم

10- هشام عبد الحميد

غنى عماد أغنية اسمها سيناء الحبيبة وكانت تذاع نادراً طبعاً فى إذاعة البرنامج العام فى احتفالات تحرير سيناء ، كما غنى لها فى أوبريت أرض الأديان مع مجموعة الفنانين وعلى رأسهم فايزة أحمد

صح صح شكرااااااااااااااااااااااااا يااستاذ محمد وفعلا التمثيل الايمائى الكلمه اللى حضرتك ذكرتها بس مكنتش فاكراها ههههههههههه اخد كام بقى؟ خمسه من عشرة

ههههههههههههههه دانا كده هاخد تلاته من عشرة ماااااااااشى

يا لولا كده 3 من 10 ودرجتين رافه من الدكتوره وسيمه يعنى يادوب مقبول

الكلمات التى غناها عماد عبد الحليم الله يرحمه بصوته فى أوبريت أرض الأديان( الله على الشعب )

إن غاب الفجر على الدنيا
ما يغبش فى يوم عن أراضينا
لو خطى الشعب وخطينا
ربنا هيبارك خطاوينا

سبحان الله فى علاه
لما يكلم انسان
يفرش نوره حوالين الدنيا
فى كل مكان
يتهز الكون والنبى موسى يسمع بركان
يتعجب موسى ويتكلم
ويكلم ربه ويتعلم
يسمع من أرضنا فوق سينا
صوت الرحمن
الله على الشعب

على فكرة مقبول من 60% وليس 50% ، أحسن علشان تذاكروا كويس

هههههههههههههههههه لكن رائعه كلمات اوبريت حوار الاديان وصوت عماد فى مقطع يتعجب موسي ويتكلم

فى منتهى الجمال وهو احلى الاصوات فى الاوبريت

موضوع جميل اخ محمد..والاحلى الفقره الخاصه بمدينه غنى لها عماد...لندن عاصمة الضباب.ههههههههههه حلوه والاحلى انك ارجعت هذه الفقره الى قاعده من النحو وهى التعبير المجازى.

شكرا اخى العزيز سمير والحقيقه دايما لما اسمع ان لندن مدينه الضباب افتكر عماد

الضباب من أجمل المفاجآت التى ظهرت فى هذا المنتدى طبعاً بفضلك أ/ سمير ، ترى هل من مفاجآت جديدة فى الطريق للظهور ؟ نأمل إن شاء الله

1- اسم بنت ظهر فى احدى اغانى فيلم الاخوه الغرباء

2-مذيع مصرى يحمل نفس حروف اسم مطرب مشهور

3-كلمه فى اللغه العربيه مفرد وجمع فى ذات الوقت

4-اسم فنان كبير وعضو فى المنتدى فى ذات الوقت

5-اسم قناه فضائيه لكن تسلكه السيارات كثيرا

6-مدينه مصريه اولها سائل الحياه

7-فنانه مصريه خريجه كليه الاداب

8-ممثل مصرى كوميدى من اصول جزائريه

9-لاعب كره بالاهلى والده عمل بالتمثيل

10-مدينه مصريه من 3حروف

مش بالترتيب برده:
1-سلوى "ف اغنيه من غير وجودك"
2-عمرو اديب
6-دمنهور
7-فيه كتير بس ممكن ميرفت امين
8-احمد مكى
9-ابن اكرامى "بيتهيألى اسمه احمد"
10-قنا

3-خدنا ف العربى -الابقى لو كانوا بيدونا غلط- ان كلمه الفلك مفرد وجمع اللى هى بمعنى سفينه بضم الفاء مش التانيه اللى جمعها افلاك والله اعلم ههههههههههههه

الصراحه مش عارفه4&5 بس يارب اللى فاتو يطلعوا صح الاول المرة اللى فاتت ادتونى مقبول المرة دى مش عارفه بقى

» كلمات غير متقاطعه
» كلمات اغنية ليه حظي كده
» كلمات قمة في الروعة
» تعريف كلمات
» كلمات اغنية علي عني