فى عيد ميلادى!!

فى يوم عيد ميلادى اهديكم هذه الاغنيه:
http://www.4shared.com/audio/JSIcjUux/2_online.html
علما بأنى من مواليد 1992وهى تعتبر سنه كبيسه كما حدث فى مصر زلزال فى تلك السنه وكل عام وانتم بخير
geek

:rendeer: :rendeer: :rendeer: :rendeer: :rendeer: :rendeer: :rendeer:

كل سنه وانت طيبه يا لولا وجميله الاغنيه ومش اى حد يفتكر الاغنيه دى لفريد الاطرش

فالعادى الناس تفتكر عقبالك يوم ميلادك او انزل يا جميل لكن يبدو ان المنصوره مختلفه فى كل شيء فالذوق عالى وخفه الظل متوفره

فى نفس الوقت ومره اخرى كل سنه وانت طيبه والمنصوره ومحافظه الدقهليه كلها

وحضرتك طيب وبألف صحه وسلامه وفى تواصل دائم معى اقصد مع المنتدى كله وهى من كلمات كامل الشناوى وهو من مواليد المنصورة طبعا وبرده هى لايقه مع المعطيات اللى ذكرتها الزلزال وسنه كبيسه وفعلا ان بحب الاغنيه دى وعلى فكرة انا اسمى الاء

بس الاغنيه صعبه جدا يالولا اعتقد دى بمناسبه عيد ميلاد الزلزال رغم انه كان يوم 12 اكتوبر 92

ولفريد اغنيه اخرى اكثر مناسبه لعيد الميلاد اسمها يا مالكه القلب فى عيده ده عيد ميلاده يوم عيدك تقريبا يعنى انا مش متعمق فى فريد

الاء دى تبقى حل الفزوره بتاعه اغنيه احلى الاسامى ههههههههههههه

هههههههههههههه اشكرك يااستاذ بس حضرتك رجحت انها تبقى نجوى والاء اسم مش قديم اوى وع فكرة والدتى قالتلى انها سمتنى الاسم ده لانها سمعته ف برنامج ماما نجوى لنجوى ابراهيم وعجبها

اسم جميل وقرانى ورد فى سوره الرحمن وبنت واحد صاحبى اسمها الاء دمها خفيف جدا هى كمان وتوام مع اسماء

ربنا يحفظك يا الاء

طيب انا عندى فزوره ليكى بجد يا لولا عماد عبد الحليم غنالك ايه ؟؟؟؟؟؟؟

بجد مش معقول ؟الاء الاء لا حاجة صعبه اوى

اسهلها شويه هى اغنيه مش بتاعته لكن غناها عماد

هم مغناش غير من غير ليه اه عرفت لولا الملامه

هههههههههههههههههه

والله برافو مش اسمك فى المنتدى لولا

ههههههههههههههههههههههههههههههههههههههه حلوة ههههههههههههههههههههههه ماشى جميله جدا يااستاذ وكمان ورده وحميده لولاكى وكتير

لكن الاء لأ وكمان بيتهيألى مفيش اى ممثله لا قديمه ولا جديده اسمها الاء ولا ايه فيه ولا لأ يااستاذ

اه ده على حميده اتوصى على الاخر لولا لولا لولا وهو كان صديق عماد على فكره وزميله فى المعهد وشريكه فى شقه بالقاهره ومعاهم رياض الهمشرى

اه هو لسه عايش ؟واختفى ليه كده

لا مفيش حتى فى اسامى ابطال الروايات مفيش الاء خالص الظاهر كده هى الاء واحده

وعلى فكره يا لولا والله العظيم انا كنت محرم اتواصل مع اى حد بسبب مواقف قديمه فى المنتدى وكنت وقتها لسه جديد فى حكايه النت دى لكن انا حاسس انك بنتى او اختى الصغيره وبلاش تتعمقى جامد فى اغانى عماد انت صغيره على كده او خليكى مع اغانيه المتفائله شويه

حاضر وعلى فكرة انا بتقبل النقد جدااااااا حتى لو هدام يعنى انا مش بعرف ازعل من حد اما بالنسبه لاغانى عماد فحضرتك متقلقش انا مش بتعمق مع اى مطرب الحكايه كلها انى احب صوته بس اهم حاجه بقى انى مش صغيرة ولا حاجه عادى العمر بيجرى :silent: :silent:

وبجد تأخيرى فى الرد لأن النت فصل والله

كل سنة وانتى بالف خير وصحة وسعادة وعقبال 100 سنة اختى العزيزة لولا وشكرا لكى على الاهداء

وانتى طيبه يانها اشكرك من كل قلبى وكل سنه وانتى وكل المنتدى بخير علطوووووول

واشكرك استاذ محمد جدااااا على صراحتك وعلى النصيحه الغاليه وانا هطبقها ان شاء الله