خاص الى الاستاذ محمد سيد؟

كنت اود ان اسأل حضرتك سؤالين وارجو الرد عليها-بعد اذنك-طبعا:
1-كيف كانت بدايه اعجاب حضرتك بعماد عبد الحليم يعنى بسبب صوته ولااغنيه معينه ولا كان الموضه واشمعنى ده بالذات يعنى؟
2-ماوقع خبر وفاه عماد عبد الحليم على حضرتك ارجو الرد بصراحه يعنى حضرتك اتصدمت اوى ولا عادى يعنى؟
3-هل معلومه انه تزوج نجوى فؤاد اثرت على حبك لعماد فترة ولا عادى ملهاش تأثير؟
4-اكتر اغنيتين بتحبهم لعماد؟والاغانى اللى حضرتك زعلت انه غناهم او اختياره كان وحش فيه؟
5-رد فعل الناس بعد خبر وفاته ايه لو حضرتك تفتكر زعلوا ولا عادى محدش زعل؟
6-هل فى حد من عائله حضرتك بيحب عماد عبد الحليم ولا حضرتك بس؟
7-هل حقا كان مدمنا بس فعلا مش باين عليه ولو كان كده حضرتك مكرهتوش بسبب كده؟
8-مين المطرب اللى بتحبه زى عماد من ايام الابيض والاسود وجيل الوسط وحاليا؟
9-حضرتك عرفت اغانيه زمان ازاى كانت بتتذاع فعلا ولا بالشرايط؟
10-اخيرا رأى حضرتك ايه فى اغنيه له اسمها اوعى يهمك حد باين او هسميك الحبيب على مااظن؟
11-رد فعل حضرتك ايه لو قدامك حد بيكره عماد؟
انا اسفه جدا مطلعوش سؤالين خلاص هخليهم اختيارى ممكن تختار حداشر سؤال مثلا!! والله بجد بعتذر بس نفسى اعرف الاجابات من حضرتك انا عارفه انا اثقلت على حضرتك وممكن تنسحب من المنتدى ده بسببى بس انا اسفه والله بس عموما انا فضلت اسألهم دلوقتى احسن اما اسألهم وحضرتك صايم!!!

ولك جزيل الشكر فى كل الاحوال يااستاذ ;) ;)

وانا بعتذر كمان مرة والله :oops: :oops: :oops:

بتعتذرى عن ايه بالعكس من حقك تسالى واحنا زملاء فى المنتدى واهتمامك شيء يسعدنى ويثرى المنتدى فعلا

- بدايه اعجابى بعماد كانت بسبب حزنى لما عرفت ان عبد الحليم اللى انا بحبه ده ميت فوالدتى يعنى اى طفل بيفتكر ان الفنان اللى بيحبه عايش فوالدتى قالتلى عندك عماد عبد الحليم تلميذه ولسه عايش زكنت صغير جدا تقريبا فى اولى ابتدائى وكان عماد ايامها فى اوج تالقه وكان بيغنى سفينه واغانى طريق الاحباب

2-عماد توفى وانا تقربا فى 2 جامعه واختى كانت مخبيه عنى جرنال الجمهوريه لان الخبر نزل فى الصفحه الاولى واحساسي بالزعل كان عادى وكنت حاسس انه ميت من زمان

3-معلوه زواجه من نجوى فؤاد ما كانتش مهمه عندى لانه كانسان ما كانش يهمنى بقدر اندهاشي من اختياره لاغانيه وكنت حاسس انه واحد صاحبي وبيغنى عنى

4- اكتر اغانى عماد بحبها كل اغانيه واللى زعلت انه غناها كل اغانى غيره من الفنانين واللى كان نفسي انه يغنيها اى اغنيه شجيه وفيه اغنيه لعاصى الحلانى اسمها طول عمرى باسمعهم كانت تنفع لعماد وانا باسمع صوته فى كل الاغانى الحلوه

5-الناس كانت عادى لما توفى عماد حتى الفنانين قرات نعى فقط من لطيفه واخر من نقابه المهن الموسيقيه لكن مدحت صالح اكتر مطرب اتكلم عن عماد وحلاوه صوته وقيمه فنه وكمان تليفزيون سوريا اهتم جدا بوفاه عماد لان القناه التانيه عندنا كانت ساعات تلقط سوريا مش عارف ليه

6-انا بس

لا كان باين عليه الادمان من احاديثه التليفزيونيه وفى الحفلات كان بيعمل حركه بلسانه بين اسنانه كنت باحس انه مش طبيعى والله واعلم

8- عبد الحليم بس بدرجه اقل من عماد

9- كنت بادور فى الجرايد عن اخباره واتابع مواعيد نزول البوماته وكنت اراسل الاذاعه ولا حد بيعبرنى

10- اشمعنى اغنيه اوعى يهمك حد على فكره كانت متصوره تليفزيون وبتتذاع كتير وكانت مختلفه عن لون عماد لكنها ابنوديه جميله طالما عماد غناها اصبحت اجمل

11-مش باتكلم مع حد فى الحياه العاديه عن عماد او فى الفن عامه لانى باتكلم فى الكوره والسياسه كتير لكن فى المنتدى كنت باغير لما حد يمجد فى اى فنان خاصه ان ده مكان عماد وكمان كنت باحس ان نجاح عمرو دياب نتيجه التخلف الثقافى والشعورى للشعب المصرى لكن اكيد عمرو قدم ما يستحق عليه النجاح ولو بالذكاء والحفاظ على نفسه

هل لديك اقوال اخرى ههههههههههههههههههههه

اغرب حاجه حضرتك قولتها اما قولت ان حضرتك حاسس انه ميت من زمان غريبه اوى الجمله دى جايز عشان حضرتك حاسس انه كان مظلوم
وهى الاذاعه كده مش بتعبر حد!!
اغنيه اوعى يهمك حد عشان حاسه انها ممكن تكون اغنيه للافراح
بس غريبه ان الادمان كان باين عليه الله يرحمه بتكون برده محاولات لتدمير الفنان الناجح
واخيرا اقول انا مش قادرة اوصف فرحى قد ايه والله اجابات حضرتك جميله وكل كلمه ليها معنى ومغزى وانا حاسه انى بكلم فنان فعلا
واشكرك جدا جدا جدا جدا جدا جدا جدا جدا جدا وعلى فكرة اى فيلم او مسلسل بيكون فيه لقطه لقهوة ومشغلين اغنيه فى الخلفيه بقعد اسمع كويس جايز تكون لعماد من ساعه ماحضرتك قلت فى مسلسل هنيدى هههههههه لدرجه انى مبسمعش الحوار وفى الاخر تطلع شعبيه رديئه هههههههههههه

وعلى فكره يا لولا انا محمد حسن

يعنى ايه؟مش فاهمه

ههههههههههه والله ادى كانت معجزه انى اسمعه فى مسلسل هنيدى وانا باقولك انا محمد حسن علشان لاحظت انك متابعه القسم ده وحاتلاقى الاسلوب واحد وياريت كل الاعضاء يرجعوا يهتموا بالمنتدى زيك وانا مش باقول حضرتك كتير لانك فى سن اختى الصغيره

مش مهم الاسم خالص وياريت حضرتك متقولش اى القاب ليا خالص لانى بضايق وده برده اسم مستعار انا اسمى مش لولا بس قريب منه

وكمان مرة بشكر حضرتك جدا فعلا والله بقعد كتير اقرأ ردود حضرتك مسليه جدا فى كل المواضيع سواء فن او سياسه او كورة او اى موضوع اشكرك جدااااااااااااااااااااااا يااستاذى وعلى فكرة اسلوب حضرتك بيقرب كتير من اسلوب اللى من المنصورة فعلا لان عندنا ف الكليه بيدلنا دكاترة من محافظات كتير وخاصه مصر اسلوبهم مش زينا لكن اسلوب حضرتك زينا بالظبط والله فعلا انا عندى قرون استشعار للى من المنصورة ههههههههه

» الى الاستاذ محمد oukka
» *من المنصورة الى الاستاذ محمد*
» لقاء نادر مع الموسيقار محمد علي سليمان يتحدث فيه عن عماد- الاستاذ مفيد عوض
» طلب من الاستاذ سمير محمود
» خاص الى الاستاذ سمير محمود