الفتى عماد الى القاهرة واسمه الفني عماد عبد الحليم!!!

انا اسف يا جماعه بس المقاله التانيه غلط تمام ازاي ازاي هاني شاكر قدراته الفنيه محدوده واصلا هيه متوقفتش ده رقم واحد دلوقتي ومن الاوئل رغم انه كل سنه بيكبر

وهاني شاكر افضل الاصوت الموجوده حاليا لانه فعلا صوته قريب من العندليب جدا وجميل جدا وكل لما بيكبر صوته بيحلو اكتر مع العلم اني عاشق جدا جدا للعندليب وعندي جروب عن العندليب ومشترك في كل مواقع العندليب

شكرا على هذا المقال الرائع وحليم يرحمه الله هو مازال الاول عنا رغم رحيله عنا منذ 33 عاما وهو لايزال على القمة وخارج المنافسة وانا فى رايى ان المطرب الرائع والجميل عماد عبد الحليم يرحمه الله ياتى بعده مباشرة

انا اسف انا كنت فاكرة مقال معرفش انه راي حضرتك ثانيا يا استاز مصطفي انا مش من عشاق هاني شاكر انا من عشاق عبدالحليم رقم واحد وبحب هاني شاكر وبحب عماد عبد الحليم بحب اسمعهم لما بيغنول لعبد الحليم بس ممكن يكو نرايك ان هاني شاكر تراجع يمكن انا عشان بسمع له قديم وهوه دلوقتي ساعات بيغني قديم لعبد الحليم لكن انا شايف انه سوبر استار دلوقتي واللي اعرفه عنه انه مش بيروح اي حفله لانه سوبر استار لكن بالنسبه لي انا مش متعصب ليه انا بموت في العندليب لكن بحب هاني لما بيغني للعندليب بس

وبصراحه المقال رائع والموقع رائع نتمني الاستمراررر انا بس اللي ممكن عارضه اللي في المقال ان هاني شاكر هيتوقف ده واحد بيغني من زمان قوي لو كان قدراته محدوده مكنش استمر كل الزمن ده
تقبلوا راي ولكم الف شكر عاشق العندليب الاسمر

انا دائما يعجبنى التحليل الفنى الذى يقدمه اخى مصطفى الدينى وما يميزه عدم التحيز رغم عشقه لهانى شاكر بعد حليم وعماد الا انه لا يكابر ولا ينسب لهانى نجاحات والقاب لم تعد موجوده وانا اعتقد ان هانى شاكر منذ عشر سنوان يكرر اغانيه فمعظم اغانيه الاخيره قريبه الشبه من بعضها هذا احساسي لانى غير متابع لهانى رغم اعترافى بجوده صوته الا انه لم يجذبنى يوما ربما لانى لا اسمع اى مطرب الا بالصدفه عدا عماد عبد الحليم الذى اعيش اغانيه منذ طفولتى لذلك انا متحيز له ربما بشكل قد يخرجنى عن المصداقيه فى كلامى حين اقول عماد احلى صوت عربى ظهر وهو المطرب الاول ثم يليه عبد الحليم طبعا هذا كلام غير منطقى تماما ولكنى مقتنع به رغم انى اعلم ان حليم قيمه فنيه وانسانيه غير عاديه ولولاه ما ظهر عماد وما عرفنا الحب نفسه
ولكنى اشعر اننى اغالى فى حبي لعماد تعويضا له عن عدم اكتراث الغالبيه من المستمعين باغا نيه الرائعه
وهناك فرق بين التقدير والحب فانا اقدر عبد الحليم طبعا كمطرب كل العصور واحبه لكن بدرجه اقل من عماد
واقدر ام كلثوم جدا وعبد الوهاب ولكن لا اسعى لسماع اغانيهما
ارجو الا ينزعج احد من راى اى زميل مهما كان غير منطقى فالفن كما قلت احساس وتذوقه احساس ولا يمكن لاحد ان يقنن احساس الناس ولكن الاحساس قد يتم تشويهه او تضليله بفعل الاعلام الذى لم يعطى للناس الفرصه بالتعايش مع اغانى عماد فلو غنى اى مطرب تافه مقطع عيونى تحب عيونك من اغنيه مانيش خاين لاصبحت من علامات الغناء وملات المنتديات وقرانا عنها رائعه الهضبه او سلطان الطرب او تيمورى المانجاوى وامير البحار وما شابه ذلك من القاب اطلقتها شركات الدعايه وصدقها الناس لكن اتمنى ان افهم لقب الهضبه هل هو يغنى فى المقطم كثيرا مثلا !واخيرا اكرر هناك فرق بين الحب والتقدير فنا اقدر عبد الحلبم مطربا اول لكل العصور لكنى احب عماد اكثر

مات عماد عبد الحليم صغيرا لم يتجاوز الخامسه والثلاثون من العمر ، ومع ذلك فقد ترك فى حياتنا الفنيه آثارا لا يمكن أن تموت ولا ينكرها الا حاقد اوجاهل فنيا ، واذا كنا لم نعرف قيمه هذه الآثار الفنيه حتى الآن ، واذا كنا لم نعرف كيف نستفيد منها ، فأنا واثق بأن الأيام سوف تكشف لنا ان عماد عبد الحليم المجهول لكل الناس ، هو كنز ثمين من كنوز الغناء العربى على مر العصور ، وأنه كان يعبر عنا بصدق ، و (اعمق ما يستطيع الفنان عمله أن يعبر به عن عشاقه )، عماد لم يترك أمر من الأمور الانسانيه لم يعبر عنه بعمق وصدق شديد فى اغانيه ،،، وعلى ذلك عماد سوف يكون مثل سيد درويش الأجيال القادمه هى من سوف تعيد احياء تراثه وأنا واثق من ذلك وعذرا هذا رائى الشخصى وأحب اضيف رائ شخصى أخر وهو بأن عماد عبد الحليم هو اسطوره الغناء فى كل العصور !!!!!!!!!!!!!!!!!!!!!!!!!!!!!!!!!!!!!

كلامك صحيح اخي اشرف 100/100 وانا من رايك تماما

الله عليك اخى اشرف والله كلمه اسطوره قد تتحقق لعماد بفضل سردك لقصه نجاحه وشهرته واحب ان اعبر لك عن اعجابي الشديد بهذه المقا لات واسلوبها الادبي الجميل والمشوق جدا
لكن انا لا اشعر ان الاجيال القادمه ستهتم بعماد الا اذا امتلكت مثلا قناه فضائيه وقتها ساقرر عماد على المشاهدين فى كل البرامج
حتى مع نشره الاخبار وعند اذاعه اغانى لمطربين اخرين ساضع صوره لعماد فى الخلفيه
حتى فى مبارايات الكره سالزم المعلقين بالحديث عن عماد يعنى مثلا الكوره مع عماد متعب فتى الاهلى الاسمر زى عماد عبد الحليم كده فتى النيل الاسمر ههههههههههههههههههههههههههههه

شكرا شقيقى محمد حسن، والله لو معى تكاليف انشاء فضائيه لن اتردد لحظه فى عمل قناه تحمل اسمه وتذيع اعماله ليلا ونهارا !!!!!!!!!!! ، زمان فكرت أنى اشترى كميه من البومات عماد واقوم بتوزيعها على الناس مجانا حتى يعرفوا أنه كان بينهم مطرب القرن العشرين والقرون القادمه ولم يقدروه ولم يعرفوه ؟؟؟؟؟؟؟؟؟، عزيزى الغالى محمد حسن ، أحيانا اتخيل لحظه موت عماد لا اعرف لماذا اتخيل روحه وهى تخرج منه تقول ( وداع يا كل حاجه يا ضحكه الزمان .. دا العمر لراح ولا جا ولا كأنه كان )!!!!!!!!!!!!!!!!!!!!!!!!!!!!!!!!!!!!!!!!!!!!!!!!!1

استاز محمد حسن واستاز اشرف يوسف واستاز مصطفي الديني فعلا عندكم حق وانا معاكم في ان صوت عماد صوت جميل اوي اوي انا بحب اسمعه بصراحه سمعت له وهوه بيغني لعبد الحليم اغانيه حاجه رهيبه صوت ملائكي منكرش
وحاجه جامدة جدا بس انا مستغرب ازاي واحد بالصوت والاحساس ده يعني ميبقاش معروف للناس اوي انا سمعت ان التلفزيون كان واقف ضده ومكنش بيزيع له اي حاجه زي مثلا مسلسل العندليب
هوه اتاثر بعبد الحليم اوي لدرجه الشكل فعلا اللي يشوف عماد يفتكرة ابن العندليب من شكله وصوته حتي حركات عماد في الافلام زي حركات حليم الله يرحمه كان رائع اكيد هيجي اليوم اللي هياخد حقه في الاعلام
تحياتي عاشق العندليب الاسمر

تاني حاجه بصراحه مقالات الاستاز مصطفي والاستاز اشرف والاستاز محمد مقالاتكم رائعه والله يا جماعه انا بستمتع بكلامكم اوي

ربنا يخليك اخى مصطفى وشيء يسعدنى انى ارى شاب فى سنك ويعجب بعماد فهو دليل حس وذوق فنى عالى واتمنى لك وقت ممتع دائما فى المنتدى وستشعر اننا اسره واحده وانت تحب كره القدم فيارب تكون اهلاوى
او زملكاوى عادى يعنى

ههههههههههههههههههههههههه ربنا يخليك يا استاز محمد شرف ليه اني اكون في احسن موقع ومع احسن ناس
طبعا انا اهلاوي هههههههههه زي العندليب

يا جماعه ليه بنضحك على نفسنا انا وغيرى من الجيل الصغير منعرفشى عماد غير عن طريق الصدفه لان كل واحد فينا من الجيل الصغير فقط له حكايه مع كيف يعرف او عرف عماد ولان تراثه يحيى بعد ذلك اشك فى ده عماد مش مزكور بالمره على شاشه التليفزيون وقليل جدا على الراديو جدا كمان وده حاجه تخوف انه ممكن بعد كده يتمحى من الزاكره خالص اسف على كلامى ده لكن رأى

يا اخ كريم احنا عارفين لكن هل سيد درويش مثلا كان بيظهر فى التليفزيون وبعدين ممكن حد فينا يعمل قناه فضائيه زى ما قولتلك حتى فى ماتشات الزمالك حاخللى المعلق يجيب سيره عما د لما الكوره تروح لعلاء على النجم الصاعد لانى شايف انه شبه عماد فى الشكليعنى مثلا المذيع يقول الكوره مع علاء على يا سلام بيفكرنى بعماد عبد الحليم لو عايزين تعرفوه اكتر ادخلوا منتدى عشاق عماد وسيبكم من الماتش دلوقتى حايتعاد كتير

بجد والله يا استاذ محمد ممكن نعمل قناه فضائيه لعماد او حد من معلقى الماتشات يجيب سيرته

هههههههههه ده خيال لكن جايز وساعتها يكون علاء على اعتزل وبقى مدرب الاهلى ماهى الحكايه ملخبطه وحسام حسن بقى مدرب الزمالك وعامل شغل جميل لكن تخيل قناه فضائيه باداره مصطفى ومحمد الدينى واشرف يوسف وحانعمل برنامج اهلاوى لمحمود عبد العزيز ومصطفى 19وبرنامج زملكاوى ليك انت وكونان وربنا يسهل

ههههههههههههههه والله حلم مشروع يا استاذ محمد

اشكرك اخى الحبيب استاذ اشرف واخى الحبيب مصطفى على هذا المقال الرائع وانا معاك اخى الحبي استاذ محمد فى البرنامج بتاع اهلاوى بس اه رايك فى الاهلى افريقيا

والله ياحوده الحكم ايدى ماييه ممكن يدخل التاريخ لو حكم اهلى وزمالك الفريقين حايطلعوا مغلوبين
انا اتعقدت منه والله اى ماتش يحكمه نخسر يعنى الاستحواز 70 اهلى و30ليهم واتغلبنا زى يوم الجزاير بس تتعوض فى مصر باذن الله