أيام الامتحان !

تذكرت هذه الأبيات التى كتبتها زماااااااااان ، وكنت وقتها فى أيام الامتحانات وبدل ما أقعد أذاكر قعدت أكتب شعر ، بس كنت بذاكر برضه !
قلت إيه
زى كل عام فى معاده تمام
ييجى يضايقنا ويقلق راحتنا
سهر قلق تعب عرق
حبر وورق قهوه وشاى
وييجى الامتحان
ونجاوب تمام ولا مش تمام !!
يا تاعب أعصابنا يا حارق دمنا
فى صعوبتك يتفننوا
إياهم حبايبنا !!
كأنهم لا كانوا ولا عاشوا تجربتنا
يا أيام الامتحان هل هلالك وبان
فاتت سنة قوام ولسه باقى كام ؟
ونقول للإمتحان باى باى بقى سلام !

( وفاتت السنون ، وأصبحت واحدة من إياهم حبايبنا اللى بيحطوا الامتحانات بس والله لا أتفنن فى صعوبتها بالعكس أنا دايماً فى صف الطلبة )

ههههههههههههههههههه الله جميل جداااااااااااااا يادكتورة وسيمه ده حضرتك بقى شاعرة من يومك فعلا روعه روعه روعه روعه تسلم ايدك
يا تاعب أعصابنا يا حارق دمنا
فى صعوبتك يتفننوا
إياهم حبايبنا !!
ياااااااااااااااااااااااااااااااااااااه حضرتك حطيتى ايدك ع الجرح "زى سعيد صالح ف مدرسه المشاغبين دوستى ع قلبى وانتى ماشيه ااااااه" ههههههههههه
ولكن الغريب يادكتورة وسيمه انه بالمصادفه ايام الامتحانات الاقى ف النتيجه الحكمه اللى بتكتب تحت دى "عند الامتحان يكرم المرء او يهان" مع ان الصح بتاعها "عند الامتحان يهان المرء او يهان" كفايه تعب الاعصاب واما بلاقيها ف النتيجه اشعر ان كلهم عليا :( :( :(

هونى عليك يا لولا ليتها تعود أيام الامتحانات ، بكره بعد ما تخلصى الدراسة هتعرفى إن أسهل إمتحانات الدنيا هى إمتحانات الدراسة وأحلى أيام العمر هى أيام الدراسة ، استمتعى بحياتك وبامتحاناتك يا لولا ولا تنسى أنك وزيرة السعادة ( على رأى المثل جبتك يا عبد المعين تعينى لقيتك يا عبد المعين عايز تتعان ، والمثل الثانى باب النجار مخلع ، وصحيح المثل جبتك يا لولا وزيرة للسعادة لقيتك يا لولا خايفة وحاسه بالتعاسة !

ههههههههههههههههههههههههههههههههههههههههههههه عسل والله يادكتورة وسيمه وانا فعلا والله العظيم اشعر بارتياح شديد بعد كلامك كله ف الموضوعين ربنا يخليكى وانا خلاص تنازلت عن المنصب لحضرتك ع الاقل ف هذه الفترة العصيبه بالنسبه لى

شكراً يا استاذ محمد ، وصحيح أنا بيسعدنى اجابات الطلاب المختلفة والتى تدل على فهمهم المادة واستيعابهم لها ، ودائماً أقول للطلاب جاوبوا من مفهومكم وهاتوا أمثلة من بره الكتاب ، لأن للأسف النظام التعليمى ركز على الحفظ والتسميع وأهمل كثيراً الفهم والإبداع عند الطلاب ، الذين اعتادوا على حفظ المادة لتسميعها فى ورقة الإجابة بالامتحان وبالتالى نسيان ما حفظوه بعد الإمتحان
و الحمد لله إنك مش طالب عندى لأنك كنت هتتسبب فى فصلى من الكلية ، لو حد راجع ورقة اجابتك ولقاك واخد امتياز علشان خاطر أغانى عماد الله يرحمه

هههههههههههههههههه فعلا ياجماعه الكروان عماد بيؤثر ف الاجابات بشكل!!انا ساعات وانا بحل بستحضر اغانيه بتبقى مشكله والله وباخد وقت على مانقل لمحطه الاجابات وايضا قبل الخروج للذهاب الى الامتحان علطول اسمعه فى ذهنى وهو يقول ليه ليه ليه حظى معاكى يادنيا كده؟؟ ربنايستر