أم الشهيد

أم الشهيد
صابرة ده اسمها وكمان وصفها
صابرة جابت ولد فرحت بيه
تعبت شقيت طلعت جريت
عملت كل اللى تقدر عليه
علشان تربيه
كبر الولد
فرحانه صابرة بالولد
لكن الولد مش فرحان
أصل الولد عايز يعيش
وازاى يعيش
وكل احتياجاته مافيش
خرج الولد زعلان
قابل ولاد كتير زيه تمام
بيشكوا نفس الحال
قالوا الولاد مش هنسكت بعد الآن
خرجوا الولاد للميدان
وصرخوا بعلو حسهم
يسقط الظلم والطغيان
وفجأة وفى أقل من الثانية
صار الولد مافيش
دمه الشريف بيسيل
يروى الأرض العطشانة للحرية
وصل الخبر للست صابرة
صرخت صابرة إبنيييييييييييي
جالها الرد من بعيد
يا أمى ما تبكيش
النهاردة بس حققت حلمى
النهاردة بس قدرت أعيش
إرفعى راسك يا أمى وبغير كرامتك ما ترضيش
إرفعى راسك وقولى بكل فخر وسعادة أنا أم الشهيد
ويا كل مصرى وقفت بعدى فى الميدان ما تنسانيش

19-7-2011

الله جميله جداااااااااااااااااااااااااااااا وطبعا نهديها لكن شهداء الثورة وربنا يصبر اهاليهم ولو انهم اكيد ف الجنه تسلم ايدك يااستاذتى الحبيبيه

شكراً لكما ، وطبعاً اقل شئ نقدمه لأمهات الشهداء أن نشاركهم إحساسهم ، وهذه القصيدة المتواضعة كتبتها من وحى ثورة يناير وشهدائها ، اللهم كلل هذه الثورة بالنجاح والوصول لتحقيق مطالبها العادلة ، من اجل كرامة كل المصريين

امين يارب