كارت أحمر للاعب حسني مبارك .. واللاعب يخرج ... ويصفر الحكم .. والبلد مع المجلس العسكري .. المجلس بيمرر البلد لأحمد شفيق احمد شفيق بيراوغ بمهارة ويعدي من الأول والثاني يقطعها منه الثوار ويدوها لعصام شرف اللي ماشي بيها ويتشنكل ويقوم ويقع تاني ويقوم الجمهور مش عاجبه اللي بيعمله عصام وهجمه من الثوار تتقطع تاني وياخدها ا...لمجلس العسكري ويديها للجنزوري اللي بيوزع على اليمين ويهدي اللعب على الأخر الكل بيراقب المباراه والحكم الرابع بيعلن عن تبديل وبينزل الإخوان مكان الفلول وشايفين السلفيين كمان بيسخنوا علشان ينزلوا .. ويستأنف الحكم المباراه ياخدها الإخوان ويمررها بما لا يخالف شرع الله وهوبا الإخوان داخلين على الجون وهاتشوط بالشاطر لكن يا خسارة ولاد ابو اسماعيل السلفيين يقطعوها ويروحوا على الجون وخلاص هما والجون انفراد .. انفراد وهايشوط ابو اسماعيل لكن تخبط فى واحد من المجلس العسكري وترد لعمر سليمان اللي بيفكر يعمل وان تو هو وشفيق .. لكن الحكم يصفر معلناً نهاية الشوط الأول ....فاصل للاستراحة ونعود مع الشوط الثانى ان شاء الله