حاجات و... حاجات!

فى حاجات تأخيرها ما ينفعش
وحاجات وجودها أوعدمها ما يفرقش
لو زعلت من صديق عاتبه بسرعة ما تتردتش
أصل العتاب بين الأصحاب ما يتأجلش
لو غلطت فى حق حد اعتذرله ما تفكرش
ولو غلط فى حقك حبيب سامحه ولمساوئه ما تفتكرش
أما إن باعك صديق وغدر بيك ابعد فوراً وما تندمش
امسحوا فوراً من حياتك وذكرياتك لأنه لإهتمامك ما يستاهلش

جميل جدا يا دكتوره والعنوان رائع وفكرنى بالابنودى لما قال
احب عمرى واعشق الحاجات ومن سمات اى شاعر مبدع
ان يشعر القاريء ان الشعر يخاطبه هو وهذا ينطبق كثيرا على ابداعك يا دكتوره

شكراً جزيلاً يا أستاذ محمد ، ويا ليت أكون على قدر هذا االوصف ، وأنا أحب شعر الأبنودى ، وأيضاً الشاعر الفيلسوف الكبير صلاح جاهين

كلام جميل جدااااااااااااااا يادكتورة وسيمه وكلام صحيح ايضا والجميل انه بمثابه نصائح فى شكل قصيده صغيرة وحضرتك قلتى كلام جميل وصحيح عن العتاب وعن التسامح ودول حاجات فعلا متتأجلش وحضرتك اكلمتى برده عن الغدر والحل المسح من الذاكرة ودى حاجه بمرور الوقت فعلا وجودها ميفرقش حتى وان تركت جرحا ف قلب الانسان ولكن سيلتئم بمرور الزمان
تسلم ايدك يادكتورة وسيمه وانا انتظر اشعارك وخواطرك بفارغ الصبر :) :)

وماذكره استاذ محمد عن اشعارك صحيح جدااااااااااااااااا وانا ارى ان حضرتك تتفوقى على الابنودى فى احيان كثيرة بسبب سمو معانيكى ورقتها وقدرتها على الدخول الى القلب والوصول الى العقل بسرعه كبيرة

شكراً يا لولا على تشجيعك وتقديرك المستمر ، فأنت لست فقط عصفورة المنتدى ولكن أيضاً وزيرة السعادة