عجلة الزمن

أحلامى كتيرة ووفيرة
بعضها وهم لكن بعضها..
مش مستحيلة !
بأحلم أمسك عجلة الزمن بإيديا
وادورها أو أوقفها زى ما أحب
وبأحلم ألف الدنيا بحالها
ما أخلى شبر فيها
من غير ما تشوفوا عينيا
وأتعلم كل لغاتها
وأقابل كل ناسها
أعيش أيام ما عيشتها
وأيام تانية أرجع لها
وأنط من الأحزان
ولا عمرى أقف لها
حتى إن شاورت هاعمل ..
مش واخدة بالى منها
ما انا ماسكة الزمان بإيديا
وباتحكم فيه مش هو اللى بيتحكم فىَ !

الله الله الله :cheers: بجد يادكتورة وسيمه :cheers: تحفه ومصورة على صفحتك ياجميل :cheers: هههههههههههههههههههه اكتر من رائعه دكتورة وسيمه واعتقد انها احلامى انا كمان احلامى كلها بالظبط
"أعيش أيام ما عيشتها
وأيام تانية أرجع لها"
البيتين دول احلامى فعلا نفسى ارجع لايام تانيه قديمه وبرده نفسى اعيش ف ايام ماعشتهاش

"وأنط من الأحزان
ولا عمرى أقف لها"
الله ع البيتين الروعين ياريت بس ده لو كان ممكن كان زمانى بنط علطووووووووول :|

"وباتحكم فيه مش هو اللى بيتحكم فىَ !"
ياريت والله يادكتورة وسيمه

الف شكر ع القصيده الرقيقه البسيطه الساحرة الخلابه المرصعه يالامانى والاحلام الجميله

شكراً يا لولا ، بس إيه الغيبة الطويلة دى ؟
أنا خفت لتكونى بتلعبى مظاهرات !
الحمد لله لسه قادرين نحلم !!!

هههههههههههههههههههههههههه ربنا يخليكى ياحبيبتى يادكتورة وسيمه وشكرا ع سؤالك والله الغيبه سببها "ليله سقوط الويندوز" ويندوز الكمبيوترههههههههههههههه ومتخافيش عليا دكتورة وسيمه انا مش بلعب مع اللى اكبر منى ههههههههههه واول حاجه بعملها اما ادخل ادور على اشعارك الرائعه

واول حاجه بعملها اما ادخل ادور على اشعارك الرائعه ،
أشعارى لا تكون رائعة إلا بتعليقاتك الجميلة ، وأنا أول حاجة باعملها بادور عليكى ، وعلى رأى عماد الله يرحمه دورت عليكى كتير ، إلى أن عرفت أن الويندوز الله يجازيه هو السبب
اشمعنى الويندوز اللى بيسقط بسهولة كده !!

ههههههههههههههههههههههههههه عسل يادكتورة وسيمه والله قصدك ليه الانظمه السياسيه مش بتسقط بسرعه زى الويندوز كده ؟؟واشكرك ع كلامك الرقيق وعلى ذوقك الشديد :oops: :oops:

شكراً يا أستاذ محمد ، و عندك حق فالمنتدى هو المتنفس الذى يخرجنا من حالات الحزن ، التى لن نستسلم لها أبداً ولن نترك أنفسنا لليأس والإكتئاب يتملكنا ، فالمؤمن متفائل بطبعه ، لثقته فى أن الله عز وجل لن يخذله ولن يضيعه أبداً، فالفرج قريب إن شاء الله ، ضاقت فلما استحكمت حلقاتها ... فرجت وكنت أظنها لن تفرج
اللهم اصلح حال مصر وسائر بلاد المسلمين ، اللهم رد كيد أعدائنا واجعله فى نحورهم ، أدعوا معى فاليوم الجمعة عسى أن تكون ساعة إجابة

استاذى العزيز استاذ محمد كالعاده رد حضرتك ف الموضوع رائع ايضا ولاغرو فالكيبورد بتاعت حضرتك مبدعه لوحدها هههههههههههه سواء اما بتكتب موضوع او بترد ع موضوع
وانا كان نفسى اعيش ف كل الفترات اللى حضرتك ذكرتها لكن المماليك دى غريبه شويه هههههههههههههههه بس فعلا ايامهم كانت شيقه جدا جدا جدا وكان فيه طقوس غريبه عندهم وكده
اما حكايه الضيف والمضيف دى احزنتنى الصراحه لكن فعلا المضيف اثقل بكتييييييييييييييير لكن حضرتك مش ضيف ثقيل ابدا ابدا ابدا
واشكرك ع خفه ظلك المعهوده ف اخر سطرين استاذى العزيز هههههههههههههههههههههههههههههههه

ويارب تنصلح احوال مصر ياااااااااااااااااارب والمنصورة والاسكندريه وكل المحافظات يارب بحق هذا اليوم الطيب المبارك